ترانه مازندرانى
(قسمت اول)


اُنوقت که من بيه تِه و سِه بِيمِه گل سُرخ چِيمَه تِه و سِر چِيِمه
بَنفْشه مارِ يم چِه احوال پُر سِيمه هر کُجا تِه دِئى کاغذ رِسيمه
آهاى هاى منکه مُردَممْ در سارى خراب من جان سُپردَمْ


(قسمت دوم)


کيجا جان مِرِه وَنگ نره شِه بِرار زمانه گردَنِه مِن بومْبِه تِه يار
زَمانه دَ گرده ترِه بَوِرَمْ ته نه مَستِ چشم سُرمِه دَئيرم
اهاى هاى منکه مُرْدَمْ در سارى خراب من جان سُپُرْدَمْ


ترانه مازندارنى
(قسمت اول)


بى تِه يکَدْمْ دِلَم خُرمْ نَه وُ نِه اگر رويت بو بنَم غَم نَه وُ نِه
اگر دَردِ دلم قسمت‌ها کُنِ دِلِ بى‌دردِ دَر عالم نَه و نِه


(قسمت دوم)


جَرَهْ بازى بيمه بورُدْ دمِه به نخجير سِيه دستىِ بِزوُ بر بالِ مَنْ تير
ته بورُ غافل مَچر در جو کناران که هر غافل چَرَدْ غافل خورد تير


ترانه مازندرانى


گل آلبالو رنگم در کجائى زهراته ننا بميرِه
رفيق روز تنگم کى مى‌آئى زهراته ننا بميرِه
مى‌طوزم مثل کُنده در بخارى زهراته ننا بميرِه
جدائى را تو کردى من نکردم زهراته ننا بميرِه
زهرا ته ننا بميره ته خورده کجا بميرِه


ترانه مازندرانى


نَشو نَشوُ ته بورُدِنْ دير نَووُنِه عَرَبْ
دِتا چشم اِشِنِه دِلْ سير نَووُنه عَرَبْ
الهى دو تا چشم چها تا بگردى عَرَبْ
که دو تا خفته دو تا بيدار بگردى عَرَبْ
عَرَبْ جووُنِ عَرَبْ
مَسْتُ ملَون عرب
شرحا مى‌نويَسم برايت
من به قربان عهد و وفايت


ترانه مازندرانى


صبح شومُبِ سِرِ خورمِ من چائى رِه
کابِ کَشمِ گيوى ملکى رِه
سوار دُمْبِ دوچرخه آتشى رِه
قَدَمْ زَنْبِ خيابان پهلوى رِه
آهو آهو آهو بُورده اُو بيارِه
منقل و تش و تنباکو بياره


ترانه مازندرانى


اَمير کُلائى خام خَرِى نانَنِه مرِه تب‌ها کُردِه
على‌ آبادى شِکر روُشا ننه مِرِه تب‌ها کُر دِه
کاکُ اَندوى تِرْشآش خورا نه مره تب‌ها کُردِه
روُخن کُلائى لَلَه کَفْ خورا ننه مره تب‌ها کُردِه
بيز خَلى سِکِه کِردارا ننه مره تب‌ها کُردِه
کُلا کَرْ مَحلهٔ قليون سر سارا ننه ره تب‌ها کُردِه
دَشْ مَمْ شاهى همه سيدها ننه‌مره تب‌ها کُردِه
زوار مَحِله ترش خير خوارا ننه‌مره تب‌ها کُردِه
مِلهِ کلائى روُ آر خاسا ننه‌مره تب‌ها کُردِه
واس کُلائى روُح اله کَدْخدا ننه‌مره تب‌ها کُردِه
چه ماز کلائى مُرغانه روشا ننه‌مره تب‌ها کُردِه
عيسى خندوقى شغال روُشا ننه‌مره تب‌ها کُردِه
آبکى سَرِى اَنبار دار ننه‌مره تب‌ها کُردِه
شاهزاده حسين چهار تا خانه دارا ننه‌مره‌ تب‌ها کُردِه
کَردِه مَلى کارد کمر داراى کُلا يکوَرِى ترياکى‌ها
نَنِه مِرِه تَب‌ها کُرده
سراج کُلائى کِلْ‌کِلْ قباى زُلف رَج گراى اِدّعا گرا
نَنِه مِرِه تَب‌ها کُرده
قوچ مَلى حَمام داراى گُمْ بکرداراى اِدّعا گرا
نَنِه مِرِه تَب‌ها کُرده
مى‌‌آر کلائى گَدارِ مداراى ميرشکاراى خوکُ گُوشت خواراى
نَنِه مِرِه تب‌ها کُرده
چنار بين‌يتيم متيم مِيا حِلْتم داراى اِدّعا گرا
نَنِه مِرِه تب‌ها کُرده
باقلا مَلى تيرتيرى گُوشا درازه به پشتى حاجى نصرالله
نَنِه مِرِه تب‌ها کُرده


در پائين صفحه صادق هدايت با مداد نوشته است ” در پنج ورق وارد و ضبط نمائيد“


(قسمت دوم)


شَهر بند مَلّهِ دَکْنِهِ وِ وا نَنِه مِرِه تَب‌ها کُرده
شاهلى يمى پياز روُشا نَنِه مِره تَب‌ها کُرده
کاش خلى انگور خوارا نَنِه مِرِه تَب‌ها کُرده
گيلهِ کُلائى توس کِه تِشکرا نَنِه مِرِه تَب‌ها کُرده
با وَم که قربون پنو نَنِه مِره تَب‌ها کُرده
پرُ لاخرُفى بور زرين کُلد نَنِه مِرِه تَب‌ها کُرده
سِده مِلى سِيکا روُشا نَنِه مِرِه تَب‌ها کُرده
باوَمْ که قربوُن داريم نَنِه مِرِه تَب‌ها کُرده
حيدر آبادى ترَبَ خوارا نَنِه مِرِه تَب‌ها کُرده
انار مَرْزِى تِنِکه دوغُ خوارا نَنِه مِرِه تَب‌ها کُرده
خال خالى خوانى بورُ لَب دريا نَنِه مِرِه تَب‌ها کُرده
بار فروش تير تيرى گرشا ننَِه مِرِه تَب‌ها کُرده
دوُست آبادى تپه نشيرا ننَِه مِرِه تَب‌ها کُرده
آن خِشوُى اقا فتح‌اله نَنِه مِره تَب‌ها کُرده
کار کُندِىْ اَنجير خوارا نَنِه مِرِه تَب‌ها کُرده
دِراک سرى ايسا بون‌ها نَنِه مِرِه تَب‌ها کُرده
کيجا مون دَرِ ه گو پنو نَنِه مِرِه تَب‌ها کُرده
مِشگ آبادى اَسْلَف خوارا نَنِه مِرِه تَب‌ها کُرده
کوُسه مَلى سٰام نشيرا نَنِه مِرِه تَب‌ها کُرده
کيجا موُم دَرنِه گِل ديم نَنِه مِرِه تَب‌ها کُرده
نَپِه ز بقلد خوانى نوزکَر دِه کِلا نَنِه مِرِه تَب‌ها کُرده
دين چالى يى کالا نَنِه مِرِه تَب‌ها کُرده
سردار را آخرها کَرده فنا نَنِه مِرِه تَب‌ها کُرده
مَشْهدسَ اُروش اَرْمنى‌ها نَنِه مِرِه تَب‌ها کُرده
نَنِه مِرِه تَب‌ها کُرده کيجا مِره لَرزها کُرده


در پائين صفحه صادق هدايت با مداد نوشته است: ”در پنج ورق وارد و ضبط نمائيد“