پیشگوئی یحیایه تعمیددهنده توّلد<br /> در زمان هیرودیس، پادشأه یهودیّه کاهنی زندگی کوده کی َانه نام زکریا بو. اون، جه کاهنان بزرگ ابیا بو. اَنه زن الیزابتم جه طایفه هارون کاهن بو هر دوتأ جه خدا ور درستکار بوده همه تأ دستورات خداونده بدون کم و کاست انجام دأده. امّا اوشأن زأک نأشتیده، چونکی الیزابت ره زأک نبوسته و هر دوتأ پیر بود. ایبار کی گروه زکریا نوبت بو کی خدمت بوکوند، اون در حضور خدا کهانت کوده، طبق قرعه اونه نوبت فأرسه به جایه مّقدسه خداوند خانه بأیه و اویه بوخور بسوجأنه. در زمان بوخور سوجأندن مردم مشغول عبادت بوده کی ایوَرکی فرشته خداوند در طرف راست بوخورسوج بر زکریا ظاهره بوسته. زکریا وختی فرشته ره بیده ماته بوست و ترس اَنه وجوده بیگیفت امّا فرشته اونه بوگفته: ”ای زکریا نَوه ترسأن! تی دعا مستجاب بوبوست تی زن الیزابت تی ره ایته پسر خوأیه اَورَدن کی اَنه نامه بأید یحیا بَنی. تو خوشحال خوأیی بوستن، خیلی ینم جه اَنه بدنیا اَمون خوشحال بَده.
فایل(های) الحاقی
| انجیل لوقا | enjile luga.pdf | 537 KB | application/pdf |